MERIB-BAAL

[mabalin a, Mannakisupiat ken Baal; wenno, Mangaramid ni Baal iti Legal a Panangikalintegan].

Apoko ni Ari Saul, anak ni Jonatan, ken ama ni Mikias. (1Cr 8:33, 34) Mabalbalin a daytoy ket sabali pay a nagan maipaay ken Mefiboset. Ti dadduma a tattao addaanda met iti dua a nagan, a kas ken Esbaal, naawagan met iti Is-boset.​—Idiligyo ti 2Sm 2:8 iti 1Cr 8:33.

Iti 1 Cronicas 9:40, ti nagan a Merib-baal masarakan iti dua a nagduma a Hebreo a porma (Merivʹ baʹʽal ken Meri-vaʹʽal). Ti umuna a porma nausar met iti 1 Cronicas 8:34. Ni Mefiboset addaan iti anak nga agnagan Mica ket ni Merib-baal addaan iti anak nga agnagan Mikias, mangipasimudaag a maymaysa ti matuktukoy. (Idiligyo ti 2Sm 9:12 iti 1Cr 9:40.) Dagiti porma a “Mica” ken “Mikias” ket maigapu iti bassit a panagduma iti Hebreo nga ispeling dagitoy a nagan.