AMRAM

[Ili a Nangato (Natan-ok)].

1. Apoko ni Levi babaen ken Cohat. (Ex 6:16, 18, 20; Nu 3:19; 26:58; 1Cr 6:18) Nadakamat nga inasawana ti “kabsat a babai ni amana” a ni Jocabed, tignay a maipalubos idi ngem naiparit iti Mosaiko a Linteg idi agangay. (Le 18:12) Nupay kasta, inkagumaan ti sumagmamano a patarus nga ipakita nga isu kasinsinna. (Kitaenyo ti JOCABED.) Annakna da Aaron, Miriam, ken Moises.​—Ex 6:20; Nu 26:59; 1Cr 6:2, 3; 23:12, 13.

2. Maysa kadagiti “annak ni Bani,” ken karaman iti dadduma pay a nagsubli a destiero a nagtungpal iti awag a mangpapanaw iti ganggannaet nga assawa a babbai idi 468 K.K.P.​—Esd 10:34, 44.

3. Nagan a naited iti maysa a Seireo, anak ni Dison, iti patarus ti King James Version iti 1 Cronicas 1:41.​—Kitaenyo ti HEMDAN.