ASDODITA

[Iti (Kukua ti) Asdod].

Maysa nga agnanaed iti Asdod a siudad dagiti Filisteo. (Jos 13:3) Kas iti dadduma pay a Filisteo, dagiti Asdodita ket kapkaputotan ni Ham babaen kada Mizraim ken Casluhim; nakadanonda idiay Canaan nalabit manipud isla ti Creta.​—Ge 10:6, 13, 14; Am 9:7; kitaenyo ti ASDOD; FILISTIA, DAGITI FILISTEO.

Iti Nehemias 13:24, ti termino nga “Asdodita” agaplikar met iti pagsasaoda. Gapu ta awan aniaman a rekord a naisurat iti pagsasaoda, saan a masinunuo no ar-aramatenda pay laeng idi ti kadaanan a pagsasao dagiti Filisteo wenno iti maysa a pagsasao a resulta ti sinigsiglo a panangituray dagiti ganggannaet.