LEMUEL

[Kukua ti Dios].

Maysa nga ari idi nagkauna a tiempo a saan a nadakamat ti kinasiasinona, a ti sasaona ket nailanad iti Proverbio kapitulo 31. Ti kinasiasinona ket napagsusupiatan, nga ibagbaga ti dadduma a komentarista a ti Lemuel ket sabali pay a nagan ni Solomon. Kuna met ti dadduma a ni Lemuel ket isu ni Ezekias. Ti sasao ni Ari Lemuel ket buklen “ti nadagsen a mensahe nga inted kenkuana ni inana kas pangpalinteg.” (Pr 31:1) Nupay kasta, saan nga ammo ti tiempo ken dagiti kasasaad idi inawat ti ari ti kasta nga impormasion manipud ken inana. Daytoy “nadagsen a mensahe” ket mamalakad maibusor iti pannakinaig iti dakes a babai, mamakdaar no kasano a ti makabartek nga inumen ballikugenna ti panangukom, inggunamgunamna a kasapulan a mangukom a sililinteg, sana inladawan ti nasayaat nga asawa a babai.