Iladawan ti Biblia ti Makabael nga Asawa a Babai

Mabasa iti Proverbio kapitulo 31 ti nagpateg a mensahe ti nanang ni Ari Lemuel para kenkuana. Ti nasayaat a balakadna ti nangisuro iti ari no ania ti birokenna iti maysa a makabael nga asawa.

Mapagtalkan ti makabael nga asawa a babai

31:10-12

• Mangted kadagiti makatulong a suhestion maipanggep kadagiti desision ti pamilia bayat nga ikagumaanna ti agpasakup

• Agtalek ni lakayna kenkuana a makaaramid kadagiti umiso a desision, ket saanen nga obligaren ni lakayna a dumawat iti pammalubos iti amin a banag

Nagaget ti makabael nga asawa a babai

31:13-27

• Ammona ti aginut ken agbiag a simple tapno nadalus ti kawes, presentable, ken nasustansia ti taraon ti pamiliana

• Naanep nga agtrabaho ken aywananna ti pamiliana iti aldaw ken rabii

Naespirituan a tao ti makabael nga asawa a babai

31:30

• Agbuteng iti Dios ken patpatibkerenna ti personal a relasionna kenkuana