• Kasanom a Maibaga ti Naimbag a Damag iti Dadduma?
    Agbiagka a Naragsak iti Agnanayon!—Leksion iti Biblia a Makatulong Kenka

    • 3. Tulongannaka ni Jehova

      Mabalin nga agnerbios ti dadduma a mangasaba gapu ta pampanunotenda ti maibaga dagiti tattao kadakuada wenno ti reaksion dagiti makasaritada.

      • Agnerbioska kadi a mangibaga iti dadduma kadagiti nasursurom? Apay, wenno apay a saan?

      I-play ti VIDEO, sa pagsaritaan ti sumaruno a saludsod.

      VIDEO: Nagkararagak ken Jehova nga Ikkannak iti Tured (4:05)

      • Kasano a nalabanan dagiti agtutubo a Saksi ti butengda?

      Basaen ti Isaias 41:10, sa pagsaritaan daytoy a saludsod:

      • No mabutengka a mangasaba, kasano a matulongannaka ti kararag?

      Ammom kadi?

      Adu idi a Saksi ni Jehova ti mangpampanunot a saanda a kaya nga ibaga iti sabsabali ti naimbag a damag. Kas pagarigan, awan idi ti kompiansa ni Sergey iti bagina ken marigatan a makisarita iti dadduma. Ngem idi kuan, nagadal iti Biblia. Imbagana: “Uray no mabutengak, inturturedko nga ibaga iti dadduma ti nasursurok. Nasdaawak ta bayat nga ibagbagak ti maipapan iti Biblia iti dadduma, dumakdakkel met ti kompiansak iti bagik ken lalo pay a bimmileg ti pammatik.”