LAMOK

[Heb., qeʹrets].

Aniaman kadagiti adu a kita ti dua-ti-payakna nga insekto nga addaan iti nagtimbukel nga ulo ken atitiddog, nararapis a saksaka a lima ti nagsusuopanna. Ti kabaian a lamok addaan iti natibker a pagsusop, iti kasta mabalinna a lussoken ti kudil ti tao ken an-animal, tapno masusopna ti dara dagita. Ti Hebreo a sao a naipatarus a “lamok” (NW) agparang laeng kas nombre iti Jeremias 46:20, a sadiay nausar a mangiladawan kadagiti taga Babilonia iti sidong ti panangidaulo ni Nabucodonosor, ti kabusor manipud amianan nga umay maibusor iti Egipto, ti ‘nalibnos a bumalasang a baka.’