DURA

Ti tanap a nangipasdekan ni Nabucodonosor iti maysa a balitok a ladawan.​—Da 3:1.

Nadeskribir iti Biblia nga adda “iti masaksakupan a distrito ti Babilonia,” ket ngarud nalawag a pangasidegen iti dayta a siudad. Gapu itoy, nupay adu ti maikunkuna nga ayanna, patien ti sumagmamano a moderno nga eskolar a mabalin nga isu dayta ti Tulul Dura, 10 km (6 mi) iti abagatan a daya ti Babilonia. Nasarakan sadiay dagiti rebba ti maysa a muntuon ti ladrilio a naipagango, nga agrukod iti 14 m (46 pie) kuadrado. Impapan ti sumagmamano a dayta ti batay ti ladawan nga impatakder ni Nabucodonosor. Nupay kasta, ti Akkadiano a termino a duru, a kaipapananna ti “sirkito,” “pader,” wenno “napaderan a disso,” masansan a makita iti nagan dagiti lugar idiay Mesopotamia, iti kasta imposible a maipatuldo ti ayanna iti daytoy a tiempo.