PREPEKTO

Maysa nga opisial a nababbaba ngem iti satrapa iti gobierno ti Babilonia. Naaramat daytoy a titulo iti Daniel 2:48 mainaig kadagiti “masirib a tattao ti Babilonia.” Agparang nga adda nagduduma a benneg dagitoy a “masirib a tattao” sigun iti opisial a trabahoda. Nadutokan ni Daniel kas panguluen a prepekto kadagiti amin a “masirib a tattao ti Babilonia.”​—Da 3:2, 3, 27.

Bayat ti panagturay ni Ari Dario a Medo, dagiti naarian nga opisial dimmatagda iti sanguanan ni Dario “kas sangabunggoyan,” a mangipamatmat a dakkel a bilang ti nairaman, ket kinunada nga inrekomenda ti amin nga opisial, agraman dagiti prepekto, a maaramid ti maysa a linteg nga umararaw laeng iti ari iti uneg ti 30 nga aldaw. Nagtultuloy nga immararaw ni Daniel ken Jehova, ket isu inispal ni Jehova; natay dagiti nagkukumplot iti abut dagiti leon.​—Da 6:6, 7, 24.