• Imperio ti Grecia
    Pannakatarus iti Kasuratan, Tomo 2

    • Ngem ti padto ti Biblia a nairekord idi maikanem a siglo K.K.P. impatuldona ti maysa a makapasiddaaw a panagbalbaliw. Imparangna ti simbolo ti Grecia kas nagpayak a leopardo ken kas kalakian a kalding nga addaan nakalatlatak a sara, ket kalpasanna sibabatad nga impadtona a ti Grecia ipayatpayatna ti Medo-Persia, ti agdama idi a Kabilgan a Turay iti Lubong. Imbutaktakna met a mabungtol ti pannakabalin ti “nakalatlatak a sara” ket uppat a sabsabali pay ti tumpuar a kasukatna.​—Da 7:6; 8:5-8, 20-22; 11:3, 4.

      Ni Alejandro a Dakkel ti nagbalin a “nakalatlatak a sara.” Mangrugi idi 334 K.K.P., indauluanna ti bassit ngem disiplinado a Griego a buyot iti agsasaruno a panagballigi. Buyogen ti kasla kimat a kapartak, pinarmekna ti Asia Menor, Siria, Palestina, Egipto, ken ti intero nga Imperio ti Medo-Persia agingga iti India. Ngem iti sumagmamano laeng a tawen, natay ni Alejandro, ket iti pangababaen a tiempo nagkapat ti imperiona, a nabingay iti uppat kadagiti heneralna.

  • Imperio ti Grecia
    Pannakatarus iti Kasuratan, Tomo 2

    • Idi 323 K.K.P., iti edadna a 32, naggurigor ni Alejandro gapu iti malaria ket natay. Idi 301 K.K.P., uppat kadagiti heneralna ti nangipasdek iti bagbagida kas agturay: ni Ptolemy Lagus nagturay iti Egipto ken Palestina; ni Seleucus Nicator nagturay iti Mesopotamia ken Siria; ni Lysimachus nagturay iti Thrace ken Asia Menor; ket ni Cassander nagturay iti Macedonia ken Grecia (Da 7:6; 8:8; 11:4)

      [Ladawan iti panid 335]

      Dagiti Griego a paay-ayam ket nainaig iti Griego a relihion; gapuna, ti maysa a himnasio a naipasdek idiay Jerusalem pinagbalinna a rinuker ti kababalin dagiti agtutubo a Judio

      [Ladawan iti panid 335]

      Maysa a seramika a bandeha a mangipakpakita iti maidatdaton a baboy. Iti nadamsak a gandatna a panangtulaw ken panangpasardeng iti panagdaydayaw ken Jehova, ni Antiochus IV (Epiphanes) nangaramid iti kasta a panagisakripisio iti maysa nga altar a naibangon iti rabaw ti dakkel nga altar iti templo ni Jehova idiay Jerusalem ket kalpasanna indedikarna ken Zeus dayta a templo

      [Ladawan iti panid 335]

      Sinsilio a naglaon iti ladawan ni Antiochus IV (Epiphanes)

      [Ladawan iti panid 336]

      Kadaanan a Corinto. Dagiti Kristiano iti kongregasion ditoy idi umuna a siglo kasapulan a sarangtenda ti impluensia ti Griego a pilosopia ken ti nalulok a moral nga ar-aramid ti relihion daytoy

      [Ladawan iti panid 336]

      Ti pilosopo a ni Plato, a nagbiag idi maikapat a siglo K.K.P., adu ti naaramidanna iti pannakaisaknap ti Griego a kapanunotan maipapan iti imortalidad ti kararua

      [Ladawan iti panid 336]

      Ti Alexandrine Manuscript, iti Griego a pagsasao, idi maikalima a siglo K.P. Kaaduan a paset ti Kristiano a Griego a Kasuratan ket sigud a naisurat iti Koine, ti gagangay a Griego