BET-AVEN

[Balay ti Panangpasakit (Maysa a Banag a Makapasakit)].

1. Ili iti teritoria ti tribu ni Benjamin, iti asideg ti nagkauna a siudad ti Ai. (Jos 7:2; 18:11, 12) Adda dayta iti let-ang, masarakan iti daya ti Bethel ken laud ti Micmas, ken nairaman iti naisangsangayan a panagbabakal idi a da Saul ken Jonatan pinagtatarayda dagiti Filisteo manipud Micmas.​—1Sm 13:5; 14:23.

2. Idi inunnoyan ni mammadto Oseas ti idolatria nga ar-aramiden ti Israel idi kaaldawanna, dinakamatna ti Bet-aven agraman ti Gabaa ken Rama, sabali pay a natatan-ok a siudad ti Benjamin. (Os 4:15; 5:8; 10:5, 8) Iti manglais a pamay-an, agparang a ti mammadto inyaplikarna daytoy a nagan iti siudad ti Bethel, nga iti maysa a tiempo dayta ket ‘balay ti Dios’ ngem nagbalin itan a ‘balay ti makapasakit’ gapu iti panagdaydayaw sadiay iti kigaw a baka.​—1Ar 12:28-30.