• Nakasursuro Kadagiti Biddutna
    Tuladenyo ti Pammatida

    • 12. (a) Apay a ditay dagus a babalawen ti pannaturog ni Jonas bayat ti bagyo? (Kitaem met ti footnote.) (b) Kasano nga impakaammo ni Jehova ti nakaigapuan ti bagyo?

      12 Gapu ta awan met maitulongna, napan nagpakni ni Jonas iti makimbaba a kadsaaran ti barko. Sadiay a nakasarak iti pagiddaanna ket nargaan ti turogna.b Idi nasarakan ti kapitan, riniingna ni Jonas ket dinagdagna nga agkararag iti diosna, kas iti ar-aramidenen ti amin. Gapu ta patien dagiti marino nga adda karkarna iti dayta a bagyo, nagbibinnunotda tapno maammuanda no siasino kadagiti nakalugan ti nakaigapuan ti didigra. Awan duadua a madanagan ni Jonas idi awan kadakuada ti nabunot. Di nagbayag, nabataden ti kinapudno. Ni gayam Jehova ti mangiturturong iti bagyo agraman ti pannakabunot ni Jonas!​—Basaem ti Jonas 1:5-7.

  • Nakasursuro Kadagiti Biddutna
    Tuladenyo ti Pammatida

    • b Innayon ti Septuagint a ni Jonas ket nagurok, isu a naipaganetget a nargaan ti turogna. Ngem imbes nga ipapantayo nga awan man la ti pannakaseknan ni Jonas ta naituredna pay ti naturog, laglagipentayo a no dadduma, dagidiay malmaldaang unay dida magawidan ti agtuglep. Kabayatan dagiti makatuok a kanito a kaadda ni Jesus iti hardin ti Getsemani, da Pedro, Santiago, ken Juan ket “nakaridep gapu iti ladingit.”​—Luc. 22:45.