3. Aniat’ di nabigbig dagiti Judio kas panggep ti isusublida manipud pannakaidistiero?

³ Apay a dinutokan ni Jehova ni Haggeo? Daytoy ti gapuna: Idi 537 K.K.P., nangted ni Ciro ti bilin a maipalubos nga agsublin dagiti Judio iti dagada ket bangonendat’ balay ni Jehova. Ngem 520 K.K.P. itan, ket adayo pay a malpas ti templo. Kadagita a tawen pinalubosan dagiti Judio dagiti kabusor agraman kinaindiperenteda ken materialismo a tuben tapno maragpat ti mismo a panggepda a nagsublian.​—Esd. 1:1-4; 3:10-13; 4:1-24; Hag. 1:4.

8. Apay a dagiti Judio saan a binendisionan ni Jehova no iti material?

⁸ Ti umuna a mensahe (1:1-15). Naiturong daytoy kada Gobernador Zorobabel ken Nangato a Padi a Josue, ngem dengdenggen dagiti umili. Sasawen dagiti umili, “Saanna pay a panawen, ti panawen ti balay ni Jehova, tapno mabangon dayta.” Ni Jehova baeten ken Haggeo nagimtuod ti makasukisok a saludsod: “Panawen aya a maipaay kadakayo nga agtaeng kadagiti doble ti didingna a balayyo, idinto ta nagrakaya daytoy a balay?” (1:2, 4) No iti material a wagas adut’ naimulada, ngem bassit ti nagunggonada no iti taraon, inumen, ken kawes. “Utobenyo dagiti dalanyo,” impatigmaan ni Jehova. (1:7) Tiemponan a yegda dagiti tabla ket bangonendat’ balay, tapno maipadayag ni Jehova. Inasikaso unay dagiti Judio dagiti mismo a balayda, ngem ti balay ni Jehova ket nagrakaya. Gapuna, tiniped ni Jehova ti linnaaw ti langit agraman apit ti talon ken bendisionna iti tao ken iti bannogna.