-
Dagiti Manangaskasaba—Ministro a Situtulok nga AgserbiAgturturayen ti Pagarian ti Dios!
-
-
Kas iti mannalon a napalalo ti ragsakna a nakasarak iti nalmeng a gameng, maragsakan dagiti Kristiano a makasarak iti kinapudno maipapan iti Pagarian (Kitaenyo ti parapo 20)
20. Kasano nga ipakita ti ilustrasion ni Jesus maipapan iti nalmeng a gameng no kasano nga agtignay dagiti pasurotna iti balakad nga iyun-una ti Pagarian?
20 Ammo ni Jesus no kasano nga agtignay dagiti pasurotna iti balakad nga agtultuloy a sapulen nga umuna ti Pagarian. Usigentayo ti ilustrasionna maipapan iti nalmeng a gameng. (Basaen ti Mateo 13:44.) Bayat nga ar-aramiden ti matangtangdanan a mannalon ti inaldaw a trabahona, nakakita iti nalmeng a gameng ket dagus a nabigbigna ti kinapateg dayta. Ania ti inaramidna? “Gapu iti rag-o nga adda kenkuana mapan ket ilakona ti aniaman a bambanag nga adda kenkuana ket gatangenna dayta a talon.” Ania ti masursurotayo? No mabirokantayo ti kinapudno maipapan iti Pagarian ket mabigbigtayo ti pategna, siraragsaktayo a mangaramid iti aniaman a sakripisio a kasapulan tapno mayun-unatayo dagiti interes ti Pagarian.d
-
-
Dagiti Manangaskasaba—Ministro a Situtulok nga AgserbiAgturturayen ti Pagarian ti Dios!
-
-
d Kastoy met laeng ti punto ti ilustrasion ni Jesus maipapan iti agdaldaliasat a komersiante nga agbirbirok iti perlas a nangato ti pategna. Idi nakabirok ti komersiante, inlakona ti aniaman nga adda kenkuana tapno magatangna dayta. (Mat. 13:45, 46) Ti dua nga ilustrasion isurona met kadatayo a mabalin a maammuantayo ti kinapudno ti Pagarian iti agduma a wagas. Adda dagiti di inggagara a nakasarak iti dayta; adda met dagidiay nangigagara a mangbirok. Ngem kasano man ti pannakabiroktayo iti kinapudno, sidadaantayo nga agsakripisio tapno mayun-unatayo ti Pagarian.
-