Agannad Tapno Maliklikam ti Maitibkol ken Mangitibkol

Nagusar ni Jesus iti ilustrasion a mangipakita iti kinaserioso ti maitibkol wenno mangitibkol.

18:6, 7

• Ti “pakaitibkolan” ket tumukoy iti aramid wenno kasasaad a mangiturong iti maysa a mangsurot iti saan nga umiso a dana, maitibkol, wenno agbasol

• Asinoman a mangitibkol iti sabali ket nasaysayaat a maitinnag iti baybay a maigalut iti tengngedna ti dakkel a gilingan a bato

18:8, 9

• Binalakadan ni Jesus dagiti pasurotna nga ikkatenda dagiti napateg a banag kas iti ima wenno matada no dayta ti mangitibkol kadakuada

• Nasaysayaat nga isakripisio dagita a maipatpateg a banag tapno makastrek iti Pagarian ti Dios ngem iti panangtaginayon kadagita ngem maitapuak met iti Gehenna, a simbolo ti permanente a pannakadadael

Ania dagiti bambanag iti biagko a mabalin a pakaitibkolak, ken kasano a maliklikak ti maitibkol ken mangitibkol?