• Mabalin a Magun-odmo ni Kabsatmo
    Ti Pagwanawanan—1999 | Oktubre 15

    • 5, 6. Iti kontekstona, ania a kita dagiti basol ti tuktukoyen ti Mateo 18:15, ket ania ti mangipasimudaag iti dayta?

      5 Iti kinapudnona, mainaig ti imbalakad ni Jesus kadagiti mas serioso a banag. Kinuna ni Jesus: “No ni kabsatmo makaaramid ti basol.” Iti nalawlawa a kaipapananna, ti “basol” ket mabalin nga aniaman a biddut wenno pagkurangan. (Job 2:10; Proverbio 21:4; Santiago 4:17) Nupay kasta, ipasimudaag ti konteksto a serioso la ketdi ti basol a tuktukoyen ni Jesus. Talaga a serioso dayta ta mabalin a mangituggod iti pannakaibilang ti nakabasol “kas maysa a tao dagiti nasion ken kas maysa nga agsingsingir iti buis.” Ania ti iparipirip dagita a sasao?

      6 Dagiti adalan ni Jesus a nakangngeg kadagita a sasao ammoda a saan a makilangenlangen dagiti kailianda kadagiti Gentil. (Juan 4:9; 18:28; Aramid 10:28) Ket sigurado a liniklikanda dagiti agsingsingir iti buis, a nupay nayanakda a Judio ginundawayanda dagiti umili. No kasta, nalawag a dagiti serioso a basol ti tuktukoyen ti Mateo 18:15-17, saan a personal a biddut wenno pannakasair a mabalin a basta pakawanen ken lipaten laengen.​—Mateo 18:21, 22.a

  • Mabalin a Magun-odmo ni Kabsatmo
    Ti Pagwanawanan—1999 | Oktubre 15

    • a Kuna ti Cyclopedia da McClintock ken Strong: “Naibilang a traidor ken apostata dagiti publikano [agsingsingir iti buis] iti Baro a Tulag. Natulawanda gapu iti naynay a pannakilangenda kadagiti pagano, a situtulok a nagpausar kadagiti manangirurumen. Naidasigda kadagiti managbasol . . . Gapu ta naisinada, liniklikan ida dagiti nadayaw a tattao. Dagiti laeng kas kadakuada a naipuera ti gagayyem wenno kakaduada.”