“Agtultuloykayo nga Agbantay”

25:1-12

Nupay inturong ni Jesus ti pangngarig maipapan iti 10 a birhen kadagiti napulotan a pasurotna, agaplikar ti prinsipiona iti amin a Kristiano. (w15 3/15 12-16) “Agtultuloykayo nga agbantay, ngarud, agsipud ta saanyo nga ammo ti aldaw wenno uray ti oras.” (Mt 25:13) Mailawlawagyo kadi ti pangngarig ni Jesus?

• Ti nobio (ber. 1)​—Ni Jesus

• Dagiti masirib, nakasagana a birhen (ber. 2)​—Dagiti napulotan a Kristiano a nakasagana a mangitungpal a simamatalek iti annongenda ken agsilsilnag kas silsilaw agingga iti panungpalan (Fil 2:15)

• Ti pukkaw nga: “Adtoyen ti nobio!” (ber. 6)​—Ebidensia ti kaadda ni Jesus

• Dagiti maag a birhen (ber. 8)​—Dagiti napulotan a Kristiano a sumabat iti Nobio ngem saanda nga agtalinaed a managbantay ken natarnaw

• Saan a nangted dagiti masirib a birhen iti lana (ber. 9)​—Kalpasan ti maudi a panangselio, awanen ti maaramidan dagiti matalek a napulotan a mangtulong iti asinoman a saan nga agmatalek

• “Dimteng ti nobio” (ber. 10)​—Umay ni Jesus iti maudi a paset ti dakkel a rigat tapno mangukom

• Sumrek dagiti masirib a birhen iti padaya ti kasar a kadua ti nobio, ken mairikep ti ridaw (ber. 10)​—Ummongen ni Jesus idiay langit dagiti matalek a napulotan, ngem dagiti saan a matalek mapukawda ti nailangitan a gunggonada