Kinuna ni Jesus: “Agkararagkayo, ngarud, a kastoy: ‘Amami nga adda iti langlangit, masantipikar koma ti naganmo. Umay koma ti pagariam. Maaramid koma ti pagayatam, kas sadi langit, kasta met iti daga. Itedmo kadakami ita nga aldaw ti tinapaymi nga agpaay itoy nga aldaw; ket pakawanennakami kadagiti utangmi, a kas met iti panangpakawanmi kadagiti nakautang kadakami. Ket saannakami nga iyeg iti pannakasulisog, no di ket ispalennakami iti daydiay nadangkes.’”​—Mateo 6:9-13.

“Pakawanennakami kadagiti utangmi, a kas met iti panangpakawanmi kadagiti nakautang kadakami.” Ti tuktukoyen ditoy ti sao nga ‘utang’ ket ‘basbasol.’c Rebbengentayo amin ti agtulnog iti Dios. Isu a no agsukir wenno agbasoltayo kenkuana, arigna a makautangtayo. Ngem nakasagana ni Jehova a mangpakawan iti dayta nga utang no siaasi a pakawanentayo dagiti nakabasol kadatayo.​—Mateo 18:21-35.