Makapabileg iti Pammati a Sirmata

9:1-7

Panunotem ti narikna ni Jesus idi nangngegna ti nailangitan nga Amana a nangibaga iti pananganamongna kenkuana bayat ti panagbalbaliw ti langana. Sigurado a daytoy ti nangpabileg ken Jesus a mangibtur iti narigat a kasasaad a pakaipasanguanna. Napabileg met da Pedro, Santiago, ken Juan iti daytoy a sirmata. Kombinsidoda a ni Jesus ti Mesias, ken saanda a nagkamali a dimngeg kenkuana. Kalpasan ti agarup 32 a tawen, malagip pay laeng ni Pedro dayta a pasamak ken no kasano a napabileg ti pammatina iti dayta a “naimpadtuan a sao.”​—2Pe 1:16-19.

Nupay ditay nakita dayta a nakaskasdaaw a sirmata, makitkitatayo ti kaitungpalanna. Agturturayen ni Jesus kas mannakabalin nga Ari. Din agbayag, ‘an-anayennan ti panagballigina,’ a mangilukat iti dalan nga agturong iti nalinteg a baro a lubong.​—Apo 6:2.

Kasano a napabileg ti pammatim iti pannakakitam iti pannakatungpal dagiti padto iti Biblia?