JUSTO

[manipud Lat., kaipapananna ti “Nainkalintegan; Napalungdo; Nalinteg”].

1. Ti apeliedo ni Jose Barsabas. Da Justo ken Matias ti dua a pagpilian a sumukat ken Judas Iscariote kas apostol. Ni Matias ti nabunot. Nupay saan a napili ni Justo, ti panagbalinna a maysa kadagiti mapagpilian iti dayta nga annongen ti mangipakita nga isu ket nataengan nga adalan ni Jesu-Kristo.​—Ara 1:23-26.

2. Maysa a manamati a taga Corinto a ti pagtaenganna ket adda iti asideg ti sinagoga. Gapu iti ibubusor dagiti Judio, “immalis” ni Pablo iti balay ni Ticio Justo, kayatna a sawen, intultuloyna ti nangasaba sadiay; a nagtultuloy a nakipagnaed kada Aquila ken Priscila.​—Ara 18:1-7.

3. Maysa a Judio a katrabahuan ni apostol Pablo. Ni Justo, a naawagan met iti Jesus, ket maysa kadagidiay nangpabileg ken Pablo iti damo a pannakaibaludna idiay Roma ken nangipaw-it kadagiti kablaawna kadagiti taga Colosas.​—Col 4:10, 11.