-
“Rimmang-ay ken Nagballigi” iti Laksid ti Ibubusor‘Naan-anay nga Ikasabam ti Pagarian ti Dios’
-
-
“Timmaud ti Nakaro a Riribuk” (Aramid 19:23-41)
“Lallaki, ammoyo a nasayaat ti biagtayo gapu iti daytoy a negosio.”—Aramid 19:25
16, 17. (a) Ilawlawagmo no kasano nga insungsong ni Demetrio ti riribuk idiay Efeso. (b) Kasano nga impakita dagiti taga-Efeso ti kinapanatikoda?
16 Ita, ammuentayo ti taktika ni Satanas a dineskribir ni Lucas idi insuratna a “timmaud ti nakaro a riribuk gapu iti Dalan.” Saan nga aglablabes ti impadamagna.e (Ara. 19:23) Ni Demetrio nga agpampanday iti pirak ti nangisungsong iti riribuk. Innalana ti atension dagiti padana nga agpampanday babaen ti panangipalagipna nga umuna kadakuada a ti kinarang-ayda ket maigapu iti panaglaklakoda kadagiti idolo. Kinunana a makadadael iti negosioda ti mensahe nga ikaskasaba ni Pablo yantangay saan nga agdaydayaw kadagiti idolo dagiti Kristiano. Kalpasanna, rinubrobanna ti espiritu ti nasionalismo dagiti umili ti Efeso, a binallaaganna ida nga agpegpeggad a maibilang nga ‘awan serserbina’ ti didiosenda a ni Artemis ken ti templona nga agdindinamag iti lubong.—Ara. 19:24-27.
-
-
“Rimmang-ay ken Nagballigi” iti Laksid ti Ibubusor‘Naan-anay nga Ikasabam ti Pagarian ti Dios’
-
-
e Kuna dagiti dadduma a daytoy a pasamak ti tuktukoyen ni Pablo idi imbagana ti kastoy kadagiti taga-Corinto: “Dimi idi masigurado no malasatanmi wenno saan.” (2 Cor. 1:8) Nupay kasta, mabalin nga adda napegpeggad pay a kasasaad a pampanunotenna. Idi insurat ni Pablo a ‘nakilaban kadagiti narungsot nga animal idiay Efeso,’ mabalin a tuktukoyenna ti pannakiranget kadagiti narungsot nga animal iti maysa nga arena wenno ti ibubusor dagiti tattao. (1 Cor. 15:32) Mabalin a literal ken piguratibo ti kaipapanan daytoy.
-