“Napalalo ti Ragsakda” (Aramid 20:5-12)

12, 13. (a) Ania ti epektona iti kongregasion ti panagungar ni Eutico? (b) Ania a namnama a naibatay iti Biblia ti mangliwliwa kadagidiay natayan iti patpatgen iti biag?

¹² Nagkukuyog da Pablo ken dagiti kakaduana a nagdaliasat idiay Macedonia sa agparang a nagsisinada iti dalan. Nabatad a nagkikitada manen idiay Troas.d Kuna ti salaysay: “Kalpasan ti lima nga aldaw, nakadanonkami idiay Troas.”e (Ara. 20:6) Ditoy a napagungar ti agtutubo a lalaki a ni Eutico, kas nailawlawag iti rugrugi daytoy a kapitulo. Iladawam iti panunotmo ti rikna dagiti kakabsat idi napagungar ti kaduada a ni Eutico! Kuna ti salaysay a “napalalo ti ragsakda.”—Ara. 20:12.