ASSOS

Maysa a pagsangladan nga ili idiay Misia iti makin-amianan a takdang ti Gulpo ti Adrumeto, ngarud adda dayta iti probinsia ti Roma a maaw-awagan Asia. Dayta a lugar ket pagaammo ita kas Behramkale (dati a Behramköy).

Iti maikatlo a panagdaliasatna kas misionero, agaw-awid idin ni apostol Pablo idiay Jerusalem ngem masapul a dumagas idiay Troas. Manipud sadiay imbaonna ni Lucas ken ti sabsabali pay babaen ti barangay a mapanda idiay Assos, a sadiay ti panggepna a pakikaduaan kadakuada. Masapul nga agdaliasat ti barangay a manglikaw iti Cape Baba (Lectum) tapno makagteng iti Assos (iti bangir ti pantok manipud Troas), iti kasta ab-ababa (a. 32 km; 20 mi) ti pinagna ni Pablo tapno maabutanna ti panagluganna iti barko idiay Assos, a kalpasanna naglayag a nagturong idiay Mitilene iti isla ti Lesbos, iti abagatan ti Assos.​—Ara 20:6, 13, 14.