TEOFILO

[Ay-ayaten ti Dios; Gayyem ti Dios].

Ti tao a nangiturongan ni Lucas iti Ebangheliona ken kasta met Dagiti Aramid dagiti Apostol. (Lu 1:3, 4; Ara 1:1) Ti pannakaawagna iti “katan-okan” mabalin nga ipasimudaagna ti maysa a kita ti nangato a saad, wenno sasao laeng a pammadayaw. Nalawag a maysa a Kristiano ni Teofilo, a berbal a nasursuruan maipapan ken Jesu-Kristo ken iti ministeriona. Ti naisurat a sasao ni Lucas nagpaay a pammasiguro ken Teofilo nga umiso dagiti naadalna iti napalabas babaen iti panangisao.