SIRACUSA

Siudad nga addaan iti nasayaat a sasangladan iti makin-abagatan a daya a kosta ti isla ti Sicilia. Sigun ken Thucydides, maysa a kolonia dagiti Griego idiay Siracusa ti naipasdek idi maikawalo a siglo K.K.P.

Nagyan ni apostol Pablo idiay Siracusa iti tallo nga aldaw idi malpasen ti panagdaliasatna nga agturong idiay Roma, idi agarup 59 K.P. Mabalin a nasken ti idadagas sadiay agsipud ta kasapulan nga aguray ti barko iti angin a mayanatup iti panaglayag. (Ara 28:12) Manipud Siracusa, ‘nanglikaw’ ti barko a nagluganan ni Pablo ket nakadanon idiay Regio, iti makin-abagatan a murdong ti Italia. Saan nga ammo ti eksakto a kaipapanan daytoy a sao. Mabalin a medio nagsikko ti ruta ti barko, nga umadayo iti dapnis, tapno adda umdas nga angin a mangiduron kadagiti layagna. Wenno, mabalin a “nangnurnor​—a timmaraigid iti dapnis​—” tapno makagteng iti Regio.​—Ara 28:13, AB.