• No Kasanotayo a Makaaramid iti Umiso a Desision
    Agbiagka a Naragsak iti Agnanayon!—Leksion iti Biblia a Makatulong Kenka

    • 5. Respetuem ti konsiensia ti dadduma

      Saan nga agpapada dagiti desisiontayo. Kasanotayo a maipakita a resrespetuentayo ti konsiensia ti dadduma? Kitaem ti dua a situasion:

      Situasion 1: Adda maysa a sister a mahilig nga ag-make up nga immakar iti maysa a kongregasion. Adu kadagiti sister sadiay ti saan a sanay a makakita iti naka-make up.

      Basaen ti Roma 15:1 ken 1 Corinto 10:23, 24, sa pagsaritaan dagitoy a saludsod:

      • Base kadagita a teksto, ania ti mabalin nga aramiden ti sister? Ania ti aramidem no saan nga awaten ti konsiensia ti kaduam ti maysa a banag a kaya ti konsiensiam?

      Situasion 2: Ammo ti maysa a brother a saan nga iparparit ti Biblia ti kalkalainganna a panaginum iti arak, ngem nagdesision a saan a pulos nga uminum. Naawis iti maysa a gathering nga adda dagiti kakabsat nga umin-inum iti arak.

      Basaen ti Eclesiastes 7:16 ken Roma 14:1, 10, sa pagsaritaan dagitoy a saludsod:

      • Base kadagitoy a teksto, ania ti mabalin nga aramiden ti brother? Ania ti aramidem no makakitaka iti kabsat a mangar-aramid iti maysa a banag a saan nga ipalubos ti konsiensiam?

      Ania dagiti makatulong tapno umiso dagiti maaramidmo a desision?

      Babai nga agkarkararag.

      1. Agpatulongka ken Jehova tapno ammom ti aramidem.​—Santiago 1:5.

      Ti isu met la a babai nga agres-research nga us-usarenna ti Biblia, dagiti naibatay iti Biblia a publikasion, ken kompiuter.

      2. Ag-research-ka iti Biblia ken kadagiti publikasion a naibatay iti Biblia tapno maammuam dagiti makatulong a prinsipio. Mabalinmo met ti makisarita kadagiti eksperiensiado a Kristiano.

      Ti isu met la a babai nga agpampanunot.

      3. Panunotem ti epekto ti desisionmo iti konsiensiam ken iti konsiensia ti dadduma.