GAMENG MANIPUD ITI SAO TI DIOS | 2 CORINTO 4-6
“Saantayo a Sumuko”
Panunotem ti dua a pamilia nga aggigian iti maymaysa a madaddadaelen nga apartment. Natural laeng a maup-upay ti maysa a pamilia ngem nakaskasdaaw ta naragsak ti sabali a pamilia. Apay? Dandanin umakar ti maikadua a pamilia iti napintas ken baro a balay.
Nupay “agingga ita, agas-asug ken agpapaut-ot ti intero a sangaparsuaan,” adda namnama dagiti agserserbi iti Dios a mangpabpabileg kadakuada. (Ro 8:22) Ammotayo nga “apagbiit ken nalag-an” dagiti agdama a problematayo ken uray dagiti pakarigatantayo iti adun a tawen no ikompara iti agnanayon idiay baro a lubong ti Dios. No kanayon a panunotentayo dagiti bendision nga iyegto ti Pagarian, agbalintayo a naragsak ken saantayo a sumuko.