Maysa a sumupsupiat ken Moises, nalabit maysa kadagiti managsalamangka nga Egipcio iti palasio ni Faraon.​—2Ti 3:8; Ex 7:11; kitaenyo ti JANNES.

Maysa a sumupsupiat ken Moises nga impadis ni Pablo kadagiti apostata a mangkonkontra iti kinapudno. (2Ti 3:8, 9) Da Jannes ken Jambres, a ‘ti kinamauyongda nakalawlawag iti isuamin,’ ket saan a nainaganan iti Hebreo a Kasuratan, ngem umanamong ti kaaduan a duada kadagiti kangrunaan a lallaki iti palasio ni Faraon, nalabit isuda dagiti managsalamangka a papadi a nangsupiat kada Moises ken Aaron idi nagparangda sadiay iti adu a daras. (Ex 7:11, 12, 22; 8:17-19; 9:11) Sangkabassit laeng ti sumupiat iti daytoy no idilig iti nakaad-adu a nabayagen a patpatien a mangibagbaga iti kasta. Nadakamat ti maysa kadagitoy a lallaki wenno isuda a dua kadagiti saan a Kristiano a gubuayan ti impormasion, kas kada Numenius, Pliny a Laklakay, Lucius Apuleius, ti maysa a surat iti Qumran, ti Targum ni Jonathan, ken iti sumagmamano nga apokripa a sursurat.