Agpipinnaregtatayo

1. No intay agpipinnaregta

Nga agserbi ken Jehova,

Mataginayontay ti talna,

Ayattayo ket lumagda.

Amintay ket makapagibtur

No agpipinnategtayo.

Iti uneg ti kongregasion,

Natalged ti riknatayo.

2. Ti balikas a naintiempuan,

Anian a makaliwliwa!

Dagiti pudno a gagayyem,

Saodat’ makaparegta.

Nagsayaat ti makikadua

Kadagiti kapammatian.

Pabilgentay ti tunggal maysa,

Intay saranayen ida.

3. Aldaw ti Dios ket asidegen,

Mapaspasungadantayon.

Ditay ngarud koma baybay-an

Ti panaggigimongtayo.

Agnanayontay nga agserbi

Ken Jehova a Diostayo.

Tapno naynaytay a natarnaw,

Agpipinnaregtatayo.