Libro ti Dios—Maysa a Gameng

1. Adda libro a mangyeg iti talna,

Rag-o, ken namnamat’ sangatauan.

Adda nakaskasdaaw a bilegna;

Mangpaimbag ken makaited ’ti biag.

Dayta a libro ket isu ti Biblia,

Nga insurat ti napaltiingan

A lallaki a pinilin’ Jehova

Ken tinignay ti espirituna.

2. Insuratda ti panamarsua ti Dios,

Babaen ti pannakabalinna.

A ti tao perpekto idi damo

Ngem naparuar iti Paraiso.

Adda met anghel, a sigun ’ti Biblia,

Panagturay ti Dios kinaritna.

Isu a tattaot’ agsagsagaba,

Ngem agballiginto ni Jehova.

3. Agrag-otay kadagitoy a tiempo.

Ta ni Kristo ket agturturayen.

Asidegen nga isalakan ti Dios

Ti amin nga agtulnog kenkuana.

Nabiag a gameng ti Saon’ Jehova;

Arignat’ nabuslon a padaya.

Naynay ngad a basaentay ti Biblia

Ket maaddaantay iti talna.