Umaykayo ket Mabang-arankayo

1. Daytoy lubong a pagbibiagantayo,

Dalan ti Dios dina ammo.

Kasapulantay ti panangiwanwan

Tapno ditay mayaw-awan.

Dagiti gimong ket mangpagin-awa,

Parayrayennat’ namnama.

Ti tunggal maysa intay paregtaen,

Ket pammatitay bumileg.

Tungpalentay ti bilin ni Jehova

Agraman pagayatanna.

Maipapusotay ti kinapudno

No makigimgimongtayo.

2. Maseknan kadatayo ni Jehova;

Ipangagtay balakadna.

Dagiti gimong ditay liwliwayan;

Dayta ket nainsiriban.

Sumayaat ti panagserbitayo

Gaput’ masursurotayo.

No kaduatay dagiti kapammatian,

Saantay a madanagan.

Tangay asidegen ti panungpalan,

Pannakigimong reggetan.

Dagiti gimong ti pakasursuruan

Iti sirib a nadiosan.