Dagiti Saksi ni Jehova a Nakabalud Gapu iti Pammatida—Sigun iti Lokasion

Dagiti Saksi ni Jehova a nakabalud gapu iti pammatida iti Hulio 2025

LUGAR	NAKABALUD	RASON
Crimea	14	Narelihiosuan nga aktibidad
Eritrea	65	Panagkedked gapu iti konsiensia Narelihiosuan nga aktibidad Saan a naibaga a rason
Russia	160	Narelihiosuan nga aktibidad
Singapore	8	Panagkedked gapu iti konsiensia
South Korea	1	Panagkedked gapu iti konsiensia
Ukraine	8	Panagkedked gapu iti konsiensia
Dadduma a Dagdaga	Nasurok nga 4	Narelihiosuan nga aktibidad
Total	Nasurok a 260

“Ti kalintegan a maaddaan iti wayawaya iti panagpampanunot, konsiensia, ken relihion” ket nakapatpateg a karbengan ti tao, sigun iti Article 18 iti International Covenant on Civil and Political Rights.a Ngem iti dadduma a pagilian, maipapaidam dagitoy a kalintegan kadagiti Saksi ni Jehova ken di nainkalintegan a maibalbalud ken mamalmaltratoda pay ketdi. Ti kaaduan a balud ket naaresto gapu laeng iti panangalagadda iti pammatida. Naibalud met ti dadduma ta agkedkedda nga agsoldado gapu iti diktar ti konsiensiada.

a Kitaem met ti United Nations Universal Declaration of Human Rights, Article 18, ken ti European Convention on Human Rights, Article 9.