Kararag ti Panagyaman

1. Apo Jehova a madaydayaw,

Umadanikam nga umararaw.

O imdengam kad’ ti kararagmi,

Ta sikat’ kamang ken salinongmi.

Basbasolmi, inka kad’ punasen,

Ta ammom a tapokkami laeng.

Ti Anakmo sinubbotnakami.

Sika ti pagpaiwanwananmi.

2. Dagiti pinilim naragsakda

Nga umay agpaisuro kenka.

Makipagyankami iti templom

Ta kaay-ayomit’ pannursurom.

Wen, nakaskasdaaw ti bilegmo;

Pakirdenna ti ad-adipenmo.

Ikaskasabami ti Pagariam,

Nga usarem a mangisalakan.

3. Pagrag-oanmi ti kinaimbagmo;

Sapay ta agsaknap ti dayawmo.

Pagariam ti pangnamnamaanmi

A mangyeg ’ti bang-ar kadakami.

Kinadakes, gibusan ni Kristo;

Ket agdir-ikamto gaput’ rag-o.

Agyamantay ngarud ken Jehova:

‘O Arimi, idaydayawdaka!’