Panangimula iti Bin-i ti Pagarian

1. O ad-adipen ni Jehova,

Agserbi a naimpusuan.

Agmulat’ bin-i ti Pagarian;

Dayta ti trabahot’ Apo.

Buyogen tured, imulat’ bin-i

Maipapan ’ti kinapudno.

Maidaydayaw ti Dios no matalek

Ken nagagetka nga agmula.

2. Addada bukel nga agdisso

Iti bimmato a puso.

Awatenda ti kinapudno,

Ngem dida met ipapuso.

Ti kinaagum arignat’ siit;

Leppesennat’ kinapudno.

Adda met agtubo iti nadam-eg

A daga ket agballigika.

3. Masansan nga’gpannuray kenka

Ti balligit’ panagmula.

No naanus ken naayatka,

Madanonmo ti pusoda.

No alibtakka, tulongam ida

A mangiwaksit’ amakda.

Ket mangnamnamaka nga agapitkat’

Tallopulo wenno ginasut.