Kanta 91
Paisuro ken Jehova
1. Mangted lawag ni Jehova;
’Sut’ Dakkel nga Instruktor.
Idalannat’ karnero kas
Nadiosan a Konduktor.
Tiempon nga inda maadal
Nga isu ti Kangatuan,
Siayat a mangisuro tapnon
Naemmat’ agandor.
Kalaingan ditoy daga,
Ni Kristo kas Maestro.
Inted Amat’ inyadalna,
Pagariannat’ insuro.
Kas upa, piek inummongna,
Isuamin tulonganna.
Isurona met la ita,
Ti karnerot’ kulonganna.
2. Dios, ikkannatay papastor,
Isudat’ mannaka’awat.
Dilada ti nasursuruan
Ta pusodat’ nasay’at.
Tulongandat’ maup-upay.
Tubngarendat’ nasukir.
No pudnot’ isursuroda;
Ni Jehova ti agragsak.
Nasuruantay ken Jehova;
Anaknat’ mangidalan.
Gundawayan kinapudno
Ta pusot’ dinanonnan.
No sibabara toy puso
A mangted ti kinapudno,
Naadaltay ipaka’mmo,
Ket Dios, pagrukbabandanto.
3. Kastoy ’yaw-awistay itan:
“Umaykay, Dios, adalen.”
Panangyadal ket agdaman
Biag, naikarit’ gun-oden.
Ngiwat ken pagbasaan man,
’Toy damag ti Pagarian
Kadagiti tribo, nasion
Toy daga, naiwarnaken.
Kas kaduat’ panangasaba
Pammatitay rumegget,
Makiaddang kinapudno
Pagarian ’paganetget.
Inton Milenio a Turay,
Dagiti rumuar ken patay
Ket masursuruandanto pay
Biagdanto’dtoy, naan-anay.