Kanta 151

Daytoy Naimbag a Damag ti Pagarian Ikasabatayo

(Mateo 24:14)

1. Ikaskasabatay Pagarian nga impadton Jesus.

Damag ti Pagarian ikasaba!

Ket bayat nga iwarnak agturedtay ken ­aganus.

Damag ti Pagarian ikasaba!

Ikaskasaba ti Pagarian kadagiti ruangan;

Iwarnak damag nga usaren pagbasaan.

Sireregta, siaanus, sisisigo iwarnak.

Damag ti Pagarian ikasaba!

2. Ikaskasabatay padaya, saganan’ Jehova.

Damag ti Pagarian ikasaba!

Addanto daya a pakiramanan ti naemma.

Damag ti Pagarian ikasaba!

Ikaskasabat’ bangkete ti nayadi nga arak,

Taraon ng’agkakangina, nakaim-imas.

Umad-adanin a pannakaisalakan iwarnak.

Damag ti Pagarian ikasaba!

3. Ikaskasabat’ magun-od a rag-o ti Pagarian.

Damag ti Pagarian ikasaba!

Ta ti agayat ken Jehova dinton agleddaang.

Damag ti Pagarian ikasaba!

Ikaskasabat’ damag a nalinteg matulongan.

Ken ti agtalek kenkuana talnat’ kukuadan.

Ibagat’ damag a panagserbit’ Dios ­pagragsakan.

Damag ti Pagarian ikasaba!