Raemen ni Jesu-Kristo—Ti Pundasion iti Pammatitayo
1 Ti pannakaawat iti papel ni Jesu-Kristo iti pannakaitrabaho dagiti panggep ni Jehova isut’ nasken unay. (Mat. 20:28) No awan iti parabor ni Jehova babaen ken Kristo Jesus, awan koma ti namnamatayo iti masakbayan.
2 Nangruna iti kabayatan ti panawen iti Memorial, masapul nga isilnagtayo iti kabibiag ni Jesus, ti sursurona, ken iti sakripisiona. (Luc. 22:19) Ipategtayo nga ti “Dios impaayna iti mismo nga ayatna kadatayo, nga idinto ta managbasoltayo, ni Kristo ket natay gapu kadatayo,” ket matignaytayo koma a mangraem iti Dios ken ni Kristo. Kasanotayo a maaramid daytoy?—Roma 5:8, 10.
PANANGIDEMOSTRA ITI PANAGYAMAN
3 Bigbigentayo a ti makita nga organisasion ni Jehova ket agtartrabaho iti babaen ti panangidaulo ni Jesus. Ti klase a matalek nga adipen isut’ mangmangted kadatayo iti kasapulan nga espiritual a taraon. Manipud kinaagtutubona, impakita ni Jesus ti panangipategna iti Sao ti Dios, ket kayattayo a suroten iti ehemplona babaen ti panagadal iti espiritual a taraon a naipaay babaen ti panangisuro met iti dadduma a sieepektibo. (Mat. 24:45, 46; Luc. 2:46-50) Ti panagyaman iti organisasion isut’ maipakita babaen ti panangsurot iti direksionna ken pannakitunos kadagiti panglakayen.
4 Maipakita met iti panagraem ken Kristo babaen ti panangalagad kadagiti naadaltayo manipud iti Sao ti Dios. Ni Jesus ket “naisina manipud kadagiti managbasol.” (Heb. 7:26) Saan a napabasol a nagsao iti maysa a banag ngem sabali met iti inaramidna. Kas kaadipenanna, masapul nga agbiagtayo met iti kasta a kapada iti nangato a pagalagadan. No ngarud ta ibagatayo maipapan iti baro nalinteg a sistema, masapul nga agbiagtayo itan iti wagas a mailasintayo nga agpaay iti dayta a baro a lubong.—Mat. 7:21; 1 Cor. 1:18; 1 Juan 2:17.
PANANGASABA ITI PANANGIDAULO NI KRISTO
5 Kabayatan iti Marso itukontayo ti libro nga Apocalipsis, a daytoy ti mangilawlawag maipapan iti mensahe ni Kristo Jesus kadagitoy aldawtayo. (Apoc. 1:1) Agregtatayo koma a mangibinsabinsa no kasano a ti panggep iti Dios ket magtengannan iti tungpalna babaen ti ari, ni Kristo Jesus.
6 Maysa a dakkel a pangen ti mangipakita iti panagraem ken Jesus babaen ti itatabunoda iti Memorial iti daytoy a bulan. Mabalin kadi a matulongan dagitoy nga agprogreso babaen iti personal a panagadal ti Biblia? Siguruentayo nga adda makatulong kadakuada tapno iti sumuno a Memorial, maysadanto metten a makiramraman iti ministerio.
7 Anian a panagyamantayo iti naayat a sakripisio ti Mannubbottayo, ni Jesus! Masapul a raementayo babaen ti panangtulad iti naimbag nga ulidanna.