Kanta 211
Siraragsak a Makipagani
1. Naranaantay panagani,
Karkarnatay a gundaway.
Anghel dagiti para ani,
Ngem ketdi makiramantay.
Ni Kristo Jesus ti nangyusuat,
Isut’ nagmula ’diay tay-ak.
Dagiti anien ket mabalinen;
Agapittay siraragsak.
2. Ti trigo addan ’diay kamalig.
Sisania ti nailasinen.
’Sudat’ ruot a mangtuben, ngem
Ngipendat’ agngaretngeten.
Apuradot’ ilin’ Jehova.
Agserbida nga’gmalmalem.
Adut’ “karnero” a maur-urnong;
Intay ngarud tumulongen.
3. Ayattay Dios ken kaaruba,
’Sut’ kadatay mangpagaget.
Panagummong ket naganetget,
Ta panungpalan asideg.
Agtignay ta tiempon ti ani,
Int’resadot’ iyadalan.
Rag-ot’ naruay ’diay tay-ak inaldaw,
No kabbarot’ mabirukan.
4. Ikeddeng Apot’ panagani,
No anien ket naluomen.
Paganian nakapurpurawen!
Aduda nga ’yadalanen!
Rag-otay aglaplapusanan,
Kas trabahador rumaman.
No nagagettay naragsaktay met;
Agani a naimpusuan.