Kanta 72
Dagiti Rag-o ken Bunga ti Serbisiot’ Pagarian
1. No agserbitay ken ni Jehova,
Adu a rag-ot’ masagraptay,
No ’warnaktay naimbag a damag
Liwliwat’ intay maiburay.
Kas impanamnama met ni Kristo:
Dakdakkel ragsak ti pannangted.
Kasay’atan, itden kinapudno
Agturong ’ti biag ken ’ti kinalinteg.
2. No mapantay binalaybalay ket
Makasaraktay managuyaw,
Nabileg latta ti pakinakem
Salimetmetan kinatarnaw.
No nagan ti Dios itandudotay
Ket dataytot’ idadanesda,
Agrag-o kunan Jesus ta kastat’
Linak-am ti mammadto idi ugma.
3. O nawadwad rag-ot’ panagserbi
No danat’ Maestro suroten:
Pakdaarantay managdakdakes,
Ket dayaw ni Jehovat’ itden!
Umas-asug, ’yegan met namnamat’
Lubong nga ’wanan basol, rigat.
Maragpat rag-o ken pannakapnek,
Wen, bendision ti agnanayon a biag.