Kanta 171

Kanta ti Panagbiktoria

(Exodo 15:1)

1. ‘Kantaakton Jah, ta sidadayag a nagballigin.

Intappuaknat’ baybay kabayo ken nagsakay.

Bileg ken pigsak ni Jah,

Nagbalin a salakanko.

’Su ti Diosko,

Ket itan-okkonto.

Luglugan ni Paraon ken buybuyotna.

’Diay baybay ’sut’ nangpalned.

Imam a makanawan, Jehova,

Pigsana ti nabileg.’

2. Kastat’ kantat’ Israel idi nagbiktoriat’ Diosda.

Ket masaksiantay met balligi ’ta ng’al-aldaw.

Ni Kristo Jesus Arin,

Ket toy lubong madupraken.

Agragsaktay,

Ta maispaltayton!

Ti dragon a Satanas ken anghelesna

—’Toy daga naitappuaken.

Nakasakayen ti Korderot’ Dios.

Kinasipnget awanen.

3. Dayawenyon’ Jah. Bileg kukuana, ­kinadayag pay.

Umayen Pagarian ket isut’ mangikisap.

’Yikkistay panagdayaw.

Dios ken Anak agyamantay.

Naragsaktay

Nga agbibiag itan.

Iti Dios a Jehova ken ti Mesiasna,

Inaldawtay agyaman.

’Suda laeng ti mangisalakan.

Biktoriantot’ ikantan!