Kanta 155
“Agiinnawatkayo”!
1. Agiinnawatkay kas inaramid ni Kristo!
Ta sinubbotnat’ kabsatyo ngarud awatenyo.
Saranayen ’diay napigsa, dagidiay nakapsut,
Namnamadat’ pabilgen, kinalinteg mabirok.
Ta dagiti naisurat a pammadto ’di ugma
Mamagibtor; kumired liwliwa ken namnama.
Bukodtay a bagi saan koma nga ay-ayuen.
No di pagsay’atan kakabsat intay biruken.
2. Dagidiay agmadit’ gubat Dios, ’sut’ mangum-ummong.
Tiempon panangyeg ti Anak talna ditoy lubong.
Guyugoyennat’ nasnasion, tribo ken dildila,
Immulanat’ puspuso ken isipdat’ lintegna.
Tapno maipadayag ti Dios intay ’da awaten,
Awan idumduma ket amin intay gayyemen.
Ti panangtuladtay ti Dios ket gundawaytayo.
Pusot’ palawaentay kas pasurot ni Kristo.
3. Paregtaentay dadduma nga’itan-okda ni Jah,
Makipagrag-ot’ ilina, dayawnat’ ikanta.
Kadagiti balay ken lansangan intay ’warnak,
Ti naimbag a damag kadagiti masabat.
Dayawtay mangitan-ok Dios, dinto mauliten.
Kadagiti nadangkes maudi nga aldawen.
Kakabsat ayaten ket Dios, mapapati koma.
Wen, agiinnawattay kas inggunamgunamna.