Kanta 180

Libro ti Dios—Maysa a Gameng

(Proverbio 2:1)

1. Adda libro a naglaon namnama,

Yegnat’ talna, rag-ot’ sangatauan.

Naglaon nakaskasdaaw a bileg;

“Bulsek” agasanna ken mangbiag pay.

Dayta a libro isut’ Santa Biblia.

Propeta idi ugmat’ nagsurat,

Lallaki a nagayat ken Jehova;

Bilegna kadakuadat’ nangtignay.

2. Insuratdat’ pudno a panamarsua,

A bileg ti Dios ti naaramat.

Ket perpektot’ tao idi punganay

Ngem Paraiso ti inna pinukaw.

Maysa pay nga anghel ti nairekord

A nangkarit panagturay ti Dios.

Imbungana ti basol ken ladingit,

Ngem agballiginto met la ti Dios.

3. Itan ti tiempo a kararagsakan.

Ta nayanaken Pagarian ti Dios.

Tiempo itan ti pannakaisalakan

No inda iti Apo tumunos.

Bibliat’ naglaon naimbag a damag;

Ti balitok di a makaartap.

Adda namnama nga’glaplapusanan;

’Sut’ estoria a kadadayagan.