Kanta 6

Iwarnak ti Agnanayon a Naimbag a Damag

(Apocalipsis 14:6-8)

1. Sigaganetget nga’gliklikmot ti anghel,

Naimbag a damag isut’ mangtengtengngel.

Kunana: ‘Dayawenyo ti addat’ trono.

Wen, ni Jehova laeng ti pagserbianyo.

Itan immayen panangukom Kangatuan;

Amin nadangkes makitadat’ bilegnan,’

’Su a mangasabakay a di agbuteng,

Situtured naimbag a damag sawen.

2. Ti anghel a maikadua aniat’ warnakna

A pakiramanantay Saksin’ Jehova?

Kunana, Dakkel a Babiloniat’ natnag,

Ti Dios mabiiten inna panangduprak.

Gapuna naibilin nga intay ’kasaba

Pammales ken pannakaalangon naganna.

Nalawat’ tay-ak intay pangasabaan;

Ngem anghel ti Dios isu ti mangidalan.

3. Mangrugin ti Anak agraman anghelna

Itoy nga aldaw nasnasion ukomenna.

Dakes guraen. Naimbag, aramiden.

Dios lat’ pagbutngan, ken bilinnat’ ­tungpalen.

Ti annong nga inted ti Dios kadatayo

‘Ikasabat’ damag, sawen ti kinapudno.’

Gapuna situtulnogtay nga iyawag,

“Agdayaw ken Jehova a siraragsak.”