Kanta 75
Narag-o a Panagdayaw ken Jehova
1. Buyogen ikkis ti rag-o
Agdayawtay siyayaman
Ni Jehovat’ manustento
Amin intay kasapulan.
Pusot’ naragsak nga’gkanta,
Timektay, ’ti Dios iriawen.
Panagyaman maiparbeng kenkuana;
Kararuatay agragsaken.
2. Siayat Anaknat’ immay,
Dalan ti biag linuktanna.
Nagan Dios, imat’ itag-ay,
Parat’ pannaka’langonna.
Pannakilangentay ’ti Dios,
Wen, ’sut’ nagpateg a gameng.
Ayattay Dios, di agkupas, pulos;
Naimpusuan, ’tay yebkasen.
3. Adtoy pigsana ken dayag.
Giyanat’ intay agtalged!
Agdayawtay siraragsak,
Kenkuana intay agtalek.
’Ti salinong ti payakna,
Ania ketdin a salaknib!
Siyayaman pusotay agkanta;
Ayattayo ti nagpasnek.