Agbalinkayo nga Amin-a-Kararua iti Serbisioyo
1 Kas disipulo ni Jesus, natudingantayo a mangikasaba ti naimbag a damag maipapan iti Pagarian ti Dios ken mangaramid iti disipulo ni Kristo Jesus. (Mat. 24:14; 28:19, 20) Awan sabali a trabaho ditoy rabaw ti daga a maidilig iti kinaganat wenno importansia. Ti biag dagiti minilion a tattao iti nairaman. Maikari iti kasayaatan a regtatayo. Naimbag ti panagaplikar iti pammagbaga ni Pablo: “Aniaman ti aramidenyo, aramidenyo iti amin-a-kararua kas maipaay ken Jehova.” (Col. 3:23) Ti “amin-a-kararua” isut’ nadepinar a kas addaan “nasalibukag a kinarayray wenno naipamaysa iti panunot a debosion.” Amin-a-kararuakayo kadi iti serbisioyo?
2 Ania ti sapulen iti amin-a-kararua kadatayo? Kayat a sawen ni Jehova iti maawat a serbisio a kas apagkapullo, wenno kasangapulo a paset. (Mal. 3:10) Imbes a maikeddeng iti masnup a kantidad, ti apagkapullo a paset itakderanna iti tiempo ken regta a maideboto iti serbisio ni Jehova kas ebkas ti ayat ken panangbigbig iti dedikasiontayo kenkuana. (w92 12/1 p. 15) Ti aktibidadtayo masapul nga iyaninagna iti kauneg ti debosion ken ayattayo ken Jehova. Ti maysa a tao nga amin-a-kararua mariknana a mapilitan nga agserbi ken Jehova a naan-anay agingga iti ipalubos ti salun-at ken kasasaadna.
3 Nangato ti panagsao ni Pablo kadagiti Kristiano nga “agtartrabaho a sipipinget ken mangikagkagumaan” iti bagbagida a maipuon ti namnama. (1 Tim. 4:10) Nagunggonaanda iti bendision ni Jehova, a dayta ti ‘namabaknang kadakuada.’ (Prov. 10:22) Maisupadi, dagidiay mangted iti wagas a sikikirang ken siiimut ti mapaayda a makasagrap iti ragsak nga aggubuay ti pannangted. (Ara. 20:35) Ti panagliway a mangted iti kasayaatantayo ti aktual a panangtakaw ken Jehova “iti apagkapullo a paset” a kukuana.—Mal. 3:8.
4 Pannangted iti Kasayaatantayo: No makiramantayo iti tay-ak ti serbisio ken iyawat iti reporttayo, ti report ket umiso ngata? Iti Ti Ministeriotayo a libro, panid 104, kunana: “Ti orasyo iti tay-ak ti serbisio ti mangrugi inton mangrugikayon a mangasaba ken inton nagpatinggan ti maudi a sinarungkaranyo a balay tunggal panawen ti panangaskasabayo. Ti oras a nabusbosyo ti panagmerienda wenno pannangan bayat ti iruruaryo iti tay-ak ti serbisio ti saanda a maibilang.” Ti naimbag a plano ken pinget isudat’ kasapulan a mangitungpal iti kaaduan a gapuanan bayat ti tiempo nga addatayo iti tay-ak ti serbisio.
5 Ti pannangted iti kasayaatantayo kaipapananna nga aramiden ti amin a kabaelantayo a makiraman iti serbisio. Ti maysa nga amin-a-kararua ti saan a sipapanggep a mangrukod ti panangasabana iti sagpaminsan babaen ti impormal a panangasaba imbes a makiraman iti panagbalaybalay a trabaho. Ti amin-a-kararua, agtutubo, di bautisado nga agibumbunannag ket saan a rummuar laeng a mangasaba gapu iti panangpilit dagiti nagannakna, nga idemostrana ti bassit nga interes a mapan kadagiti ruangan wenno makiraman a mangted ti pannaksi.
6 Kiniddaw ni Pablo kadatayo a salimetmetan ti kinagaget tapno ditay agbalin a nabuntog. (Heb. 6:11, 12) Anian a rag-o ti panangrepaso iti bukodtayo a serbisio ken awanantayo ti rason nga agbain—agsipud ta amin-a-kararuatayo! (2 Tim. 2:15) Ti kadakkelan a rag-otayo isut’ mapagnumaran inton makitatayo a dagidiay dadduma a makalasat iti dakkel a rigat ket isuda dagidiay a natulongantayo a mismo. Tapno masiguro, gunggonaan ni Jehova a sibabaknang dagidiay nga agserbi kenkuana iti amin-a-kararua.