Itukon ti Agimtuod iti Agtutubo a Libro
1 Nupay ti Apocalipsis a libro ket madakamat iti daytoy a bulan, mabalin a kayatyo met nga itukon ti Agimtuod iti Agtutubo a libro no makisaokayo iti naganak wenno agtutubo a maseknan maipapan ti problema a naipasango kadagiti agtutubo.
2 Mabalin a masarakanyo a maitutop ti panagkuna iti kastoy:
◼ “Ti kinaagtutubo ita nga aldaw ket saan a nalaka. Napasanguan dagiti adu nga agtutubo iti kasasaad a kasapulan ti nasken a desision. ‘Rumbeng aya nga uminumak iti arak? Agdruga? Ania a kondukta ti rumbeng iti kasupadi a sekso?’ No saludsoden dagiti agtutubo maipapan kadagitoy a bambanag, masansan nga agsusupadi ti maawatda a sungbat. Sadino ti pagarupenyo a pagturongan dagiti adu a maipaay iti balakad? [Palubosan nga agkomento.] Daytoy a libro, Dagiti Saludsod nga Iyimtuod ti Agtutubo—Dagiti Sungbat nga Epektibo, mangted iti makatulong a pakaammo. [Iturong ti asikaso iti benneg dagiti linaonna.] Kasapulan dagiti agtutubo ti sungbat a nalaka ken agpaypayso. Dagiti sungbat iti daytoy a libro ti naibasar iti Biblia.”
3 Adtoy ti sabali a presentasion a mabalinyo nga usaren:
◼ “Maisagmak dagiti agtutubo kadagiti adu a parikut kadagitoy nga aldaw. Kasapulanda ti tulong a mangparukma a sibaballigi. No padasentayo a tulongan ida, ditay kadi kumita iti banag a mangted ti praktikal a giya? [Palubosan nga agkomento.] Dadduma kadagiti kakaruan a parikut ti aggapu kadagiti kapatadanda. Siputanyo dagiti ladawan iti pinanid 76 ken 77 iti daytoy a libro. [Iturong ti asikaso kadagiti salaysay ken italiko a parapo iti panid 77.] Dagiti sumaruno a pinanid iti daytoy a kapitulo ti nangiwayat kadagiti mapiar, agkurri a sungbat.”
4 Sigurado a matudo a dagitoyen ti “napeggad a tiempo a narigat a pakilangenan,” nangruna iti biang dagiti agtutubo. (2 Tim. 3:1) Ti libro nga Agimtuod iti Agtutubo ti pudno a makatulong iti maysa nga agtutubo a mangsango iti inaldaw a karit a sibaballigi. Dagiti 39 a kapitulo ti sibabaknang a nailadawan, ket dagiti artikulo ti napudno ken praktikal. Gapuna iti uray sadino a lumtuad nga okasion, alistokayo koma a mangusar iti daytoy nagsayaat a publikasion.