“Namnama ti Nasaysayaat a Lubong”
Bayat a bumisbisita idiay Montreal idi Hulio 1985, di inggaggagara ni Gilles Le Sieur a nabati ti maletinna idiay tren iti subway. Iti aldaw kalpasan panagawidnan idiay balayda, agarup 260 kilometro manipud Montreal, immawat ti awag iti telepono manipud agtutubo a babai a nakasarak iti maletinna. Nagsubli ni Gilles ken ti asawana idiay Montreal tapno alaenda dayta. Idi al-alaendan, nangtedda ti kopia ti libro a Mabalinyo ti Agbiag nga Agnanayon iti Paraiso a Daga iti agtutubo a babai. Agarup dua a lawas kamaudiananna, immawatda ti surat a mangap-apresiar manipud iti balasang, a kunana iti pasetna:
“Diak ammo no siasino kadatayo ti nakaipaay ti dakdakkel a serbiso iti maysa ken maysa idi napan a lawas. Nupay diak nanginanama ti supapakna, nagsiddaawak iti panagyaman nga impakitayo kaniak. Apresiarek unay ti kinapudno a kayatdak nga iraman iti gubuayan ti kinaragsakyo. . . . Nalpaskon a binasa ti libro nga intedyo kaniak, ket iti kanito a basbasaenyo daytoy a surat, maysa kadagiti gagayyemkon ti mangbasbasa iti dayta. Umisokayo maipapan kadagiti gunggona nga iyeg daytoy a libro. Saannak laeng nga inikkan ti namnama iti nasaysayaat a lubong no di ket sinungbatanna pay ti nagadu a salsaludsod a di nasungsungbatan ti relihionko. . . . Rinugiak manen ti panagbasbasa ti Biblia nga addaan tarigagay a maaddaan iti nasaysayaat a panagbiag.”
Daytoy agtutubo a babai intultuloyna ti panagad-adalna ti Biblia ket, idi agangay, nagbalinen nga amin-tiempo a ministro ti naimbag a bambanag a naad-adalna. Ti Mabalinyo ti Agbiag nga Agnanayon iti Paraiso a Daga ket nagbalinen nga instrumento iti panangbalbaliw ti biag dagiti adu a tattao nga agbalin a nasaysayaat. Ti libro, a ti panidna kas kadakkel daytoy a magasin, isalaysayna ti ngangngani tunggal pannursuro ti Biblia ken naglaon ti nasurok a 150 a makaisuro nga ilustrasion. Tapno awatenyo daytoy nagpateg a publikasion, basta suratanyo laeng ken ipakoreoyo ti naipakuyog a kupon.
Pangngaasiyo ta patulodandak, a nabayadanen ti seliona, ti 256-panid, natangken ti abbongna a libro a Mabalinyo ti Agbiag nga Agnanayon iti Paraiso a Daga. Mangilukonak ti ₱42.