‘Nagkatkatawada’

Maysa a lalaki nga agserserbi iti armada idiay Hungary kunana a di unay pay nabayag kinatkatawaan dagiti tattao dagidiay agsao maipapan iti Biblia. Ngem nagbaliwen ti panawen. Iti nabiit nagsurat ti soldado iti opisina ti Watch Tower Society idiay Budapest, a kunkunana:

“Sumagmamano nga aldaw ti napalabasen, nabasak ti publikasionyo a Mabalinyo ti Agbiag nga Agnanayon iti Paraiso a Daga. Adda nangipabulod kaniak iti daytoy agingga a maileppasko a basaen. Sinagidnak unay ti naisurat idiay libro ken pinagpanunotnak.” Tinarigagayan ti soldado ti maysa a Biblia ken ad-adu pay nga impormasion. Ti kasta a panangipangag ket saanen a karkarna idiay Makindaya nga Europa.

Kunaen ti sabali pay a surat a naawat ti opisina idiay Budapest: “Nabasak ti libro a Mabalinyo ti Agbiag nga Agnanayon iti Paraiso a Daga. Pinagsiddaawnak unay ti libro, gapuna a nagsuratak kadakayo tapno kiddawek nga adda koma Saksi a pumasiar idiay balayko tapno maaddaanak iti regular a panagadal ti Biblia.”

Ti Mabalinyo ti Agbiag nga Agnanayon iti Paraiso a Daga ket maysa a libro a mangipaay namnama babaen panangitudona kadakayo dagiti sungbat ti Biblia. Nakatulongen daytoy iti panangbalbaliw iti adu a biag. No kayatyo ti impormasion no kasano ti umawat iti kopiayo, pangngaasiyo ta suratanyo ken ibusonyo ti naipakuyog a kupon.

Kayatko a maamuan no kasano ti umawat iti 256-panid a natangken akkubna a libro a Mabalinyo ti Agbiag nga Agnanayon iti Paraiso a Daga. (Agsurat iti direksion nga adda iti baba para iti impormasion. Iti ruar ti Filipinas, agsurat iti lokal a sanga ti Watch Tower para iti impormasion. Kitaenyo ti panid 2.)

[Ladawan iti panid 32]

Iti naimbag a rason, ipalubos ti nagannak a lumasat ti dungdungnguenna nga anak iti naut-ot nga operasion. Adda met naimbag a rason ti Dios nga ipalubosna nga agsagaba dagiti tattao iti apagbiit