Baro a Programa iti Aldaw ti Espesial nga Asamblea
1 Ti programa iti aldaw ti espesial nga asambleatayo a mangrugi iti maikadua a lawas ti Pebrero ti naglaon iti tema nga “Agtultuloykayo a Mangsaksi iti Kinapudno.” Ti intero a programa ti naiturong iti ehemplo ni Jesus nga imbatina kadatayo ken no kasano a ginundawayanna iti kada oportunidad a nangiraman ti kinapudno iti sabsabali. Igunamgunamna ti rebbengentayo kas disipulo ni Kristo a tumulad kenkuana a mangsaksi iti kinapudno.—1 Cor. 11:1.
2 Ti papel ti kongregasion a mangitandudo iti kinapudno isut’ mausig. Ti panangusar a naimbag kadagiti magasintayo ken dadduma a publikasion ket maigunamgunam met.
3 Ti prinsipal a palawag babaen iti bisita nga ispiker no bilang ta adda daytoy isut’ napauluan iti “Panangsaksi iti Kinapudno—Ania ti Maitungpalna.” (Juan 8:32) Daytoy a programa iti aldaw ti espesial nga asamblea ti sigurado a mangpauneg iti panangipategtayo ti kinapudno ken tumulong kadatayo nga agtalinaed a nasarked ken ‘sititibker a naipasdek iti kinapudno.’—2 Ped. 1:12; 1 Cor. 15:58.