Kanta 138
Iti Dios Makipagnaka!
1. Iti Dios makipagnaka;
Naemma, siasi.
Ket iti Dios agtarnawka;
Pigsam inna isubli.
No pudnot’ dika labsingen,
A di payaw-awan;
No di ket kasla ’ti ubing,
Dios inka paidalan.
2. Iti Dios makipagnaka;
Dika nga aglabsing.
Masapul agnataenganka,
Anamong gun-odem.
Banag a naayat, nasin-aw
Napudno, nalinteg,
Isut’ utobem a naynay,
Dios inka agtalged.
3. Iti Dios makipagnaka,
Inka agmatalek,
Magun-odmo ti gunggona,
Nga ’sut’ pannakapnek.
Makipagna, siraragsak
Dayawnat’ ikantam.
Naruay a rag-ot’ masagrap
Serbisiot’ Pagarian.